Çingiz Abdullayev: “Vəzifəmin başındayam hər şeyə nəzarət edirəm “
Tarix: 25.08.2015 | Saat: 19:03:00 | Oxunub: 328 | E-mail | Çapa göndər

“Neftçi”nin Müşahidə Şurasının sədri Çingiz Abdullayev Azərbaycan Premyer Liqasının 3-cü turu çərçivəsində keçirilmiş “Neftçi” - “Sumqayıt” matçında qazanılmış qələbə münasibətilə komanda üzvlərini təbrik edib.

Futbolmedia.Az-ın klubun rəsmi saytına istinadən verdiyi məlumata görə, şura sədri həmçinin 9 futbolçunun milli komandalarımıza dəvət olunmasına da münasibət bildirib:

"Hazırda işgüzar səfərlə əlaqədar Azərbaycanda olmasam da, komandanın çıxışını izləyirəm və klubdaxili vəziyyət barədə şura üzvlərindən mütəmadi məlumat alıram. “Sumqayıt” klubu ilə oyunda qazanılmış qələbə münasibətilə futbolçuları təbrik edirəm. Düzdür, çempionata istədiyimiz kimi başlamamışdıq, amma bu qələbənin uğurun başlanğıcı olduğunu düşünürəm. İnanıram ki, çempionatdakı fasilədən sonra komandanın göstərdiyi nəticələr yüksələn xətlə davam edəcək. Təbii ki, əsas heyətimizdən 9 futbolçusunun yığma komandamıza çağırıldığını da qeyd etməliyəm. İstərdik ki, onlar milli komandadakı uğurlu çıxışı ilə bizi sevindirsinlər və orada möhkəmlənsinlər".

Bununla yanaşı, Çingiz Abdullayev onun Müşahidə Şurasından istefa vərəcəyi ilə bağlı bəzi KİV-də yayılmış xəbərlərə münasibət bildirib: "Bu, söz-söhbətdən başqa bir şey deyil. Belə şayiələrə fikir verməyin heç bir əhəmiyyəti yoxdur. Əgər bundan nigaran olanlar varsa, bilsinlər ki, mən öz vəzifəmin başındayam və bütün proseslərə tam nəzarət edirəm. Hesab edirəm ki, biz düz yoldayıq və yaxın gələcəkdə bu komanda böyük uğulara imza atacaq. İşgüzar səfərim başa çatdıqdan sonra sentyabr ayının əvəllərində Müşahidə Şurasının növbəti iclasını keçirəcəyik".




 
Bölməyə aid digər xəbərlər
18.02.2018
Cavid İmamverdiyev:“ özümü hardasa “Neftçi”yə göstərmək istəyim var idi“
17.02.2018
“Qarabağ“ın futbolçusu Miçel “Səbail“lə qarşı oynayacaq
15.02.2018
“Səbail“ 400 min avroluq futbolçunu rəsmən heyətinə qatdı
15.02.2018
“Səbail“in yeni transferinin qiyməti 400 min avrodur
14.02.2018
“Qarabağ“ cərimələdi

Şərh əlavə olunmayıb

Facebook-da
© Copyright 2002-2015 FUTBOLMEDIA
Mob.: (050) 588 47 51
E-mail: ali.h525@mail.ru
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info